السلام-المرور-المجزر

بسم الله الرحمن الرحيم

السلام-المرور-المجزر مجزر

دى اسامى طول النهار بنسمعها وطبعا كلنا عارفينها

ومنها الجلاء-الجامعه الجامعه

وسندوب سندوب سندوب

وكل الاماكن اللى احنا عارفينها

ايه رايكوا كل واحد يقول

ايه المواقف اللى حصلتله جوه الميكروباص

او شافها او مشكله قابلته فيه

وكلوا يحكى ويقول اللى بيحصلوا فيه

الميكروباص اوحش وسيله للمواصلات

يلا

هههههههههههههههه شديد الموضوع دا من عضضو شديد

والشديد طول عمرو شديد

المهم نيجي للموقف هوا مش وانا راكب لكن وانا شايف صحبي بيتنفخ

عندنا واحد في شرعنا اسمو محمد حسن من شلتنا

كنا علي الجامعة وكان بيحاول استغفر اللع العظيم انو يعاكس واحدة

اخونا محمد اتاكل كفين علي وشو من الراجل سوري قصدي الست اللي كان بيحااااول

يعني معملش ويا ريتو كدا المكروباص كان واقف عندها الناس لاقو واحدة بتضرب واحد قلولك نعم الواجب

ونزلو وجبو مع الريص وجبو زبادة عن اللازم

واحنا بامانة وقفنا نضحك وجرينا ههههههههههههه يالا بقا وسلام كبير اوي لمحمد حسن حبيب الملايين

بسم اللة الرحمن الرحيم
انا الحمد للة مش بحب اركب ميكروباص خاااااااااااااالص بس هيا الوسيله الوحيدة الي بتوصل لبلدنا وركبت الميكروباص ورحت بلدنا بس المشكلة انا مفيش غير 2ميكروباص الي بيروحو بلدنا واحد الصبح والتناي بليل يعني الزحمة بتبقي ضرب نار المهم دخلت بقلب ميت عشان اركبة ويالهوي علي حصل كلت ضرب مخدوش حمار في مطلع وفي الاخر تفتكرو ركبت ازاي اتشعلقت ورا خالص برا المكروباص في حتة حديدة لحد بلدنا ومن ساعتها مش بروح البلد
ياريت يتطور الميكروباص والناس تبطل الي بتعملو فيها

ههههههههههههههههههه

بجد انتا اللى عضو شديد وبنى ادم جميل والله

وشكرا ليك على اضافتك الجميله دى

بجد موقف محمد حسن ده فكرنى بايام جميله كنا بنخرج كلنا مع بعض

بس الموقف كان جامد انا ومحمد خيرى كنا السبب فى اللى حصله ده هو اللى حاول يقلدنا

وحصل اللى حصل الناس اتلموا ونزلوا ضرب فيه

ولا قيت ميكروباص وقف ونزل منه التباع وقالك انا لوكان ليا اخ زيك كنت دبحته

هههههههههههه

ولاقيتلك اصحاب المحلات طلعوا يضربوا

كل ضرب يوميها

بجد وحشتنى الايام الجميله دى

وانا الموقف اللى حصلى انى كنت فى السكه الجديده

وكل ما تقول للتاكسى ودينى السلام يقولك لا من بره

فشغلانه مقرفه فى التاكسيات والميكروباصات وكل المنواصلات

انا باه كنت فى السكه الجديده زى ما قلت

وجيت اروح وياريتنى ما روحت السكه الجديده اصلا

بس يلا مش مشكله المهم انى ادور على اى مواصله

وفضلت مستنى اكتر من ساعهعلشان اروح بيتنا وزهقت جدا

وكل الميكروباصات اساسا معدش فيه السلام ده خالص

كله سندوب وانتا تنزل عند الاستاد وده اخرك وشكرا على كده

بس فالمهم انل كل الميكروباصات مليانه ومفيش حد راضى يقف

فا فى الاخر لاقيتلك الاتوبيس بتاع شركه الصابون والزيوت

واقف كده وبعدين لاقيت الوظفين قاعدين وبعدين اعدين يتكلموا

فا بعد شويه لاقيت واحد من الوظفين قام واقف واعد يقول سندوب سندوب

ولاقيت حرب وهجوم على الاتوبيس

فقلت اركب وخلاص اعمل ايه؟؟..

فا احاول اركب مافيش كل الناس اتزاحمت على الباب

ومعرفتش اركب

وبعدين لاقيت واحد من الموظفين قالى اطلع من هنا

قلتله منين فالى من الشباك

قام شايلنى وطلعت من الشباك والبنطلون اتقطع

وبعدين الشباك واسع بتاع الاتوبيس بس الاتوبيس اساسا عالى

وكان يوم واهى عدت والموظفين المحترمين اشتغلوا تباعين فى الاخر

وقسموا الفلوس بتاعت المواصله على بعض فى الاخر

وهى دى الحكايه وشكرا ليك تاكى على الرد الجميل ده وبجد حاجه تتعب المواصلات دى